《讀者請教》
hello, 有件事很煩惱希望大家能夠解答。
我同男朋友都拍拖好多年了 ,大家年紀都唔細, 我父母喺呢一兩年先後離世 ,我男友父母仍然在生, 呢排身邊太多長輩都先後離世所以男朋友有一個想法:就係希望我哋可以快啲結婚,更何況現在疫情咁嚴重老人家,一旦感染就會很容易離世 °
由於我哋仲有好多問題未解決,都暫時都未適合結婚，而我亦都唔知幾時先可以做到……點知我男朋友就已經好嬲話:「趁我父母仲喺度就快啲簽紙就算，其他儀式可以乜都唔做， 如果我父母有遺憾而過身我會怪責你!亦都會內疚一世! 點解我父母在生嘅時候你唔肯同我簽紙？況且我地拍拖都差唔多十年 ! 你話而家唔適合,咁幾時先適合簽紙 ?三年?五年?如果我父母呢段時間過身咁點算呀?咁得我哋兩個簽紙冇人睇到咁簽嚟做嘢 ?簽紙呢樣嘢係一定要有父母喺度見證先得!如果佢哋過身見唔到咁有咩用？你真係好自私! 簽紙結婚唔係兩個人嘅事,一定要有父母做見證!你唔好以為你父母睇唔到你結婚就將你嗰套放喺我身上 !雖然你父母生前唔鍾意我,但係我父母從來對你冇意見,所以我真係好希望我父母可以親眼見到我哋簽紙冇遺憾咁離世 !你父母見唔到係已成過去 !」
我聽到之後覺得好傷心,唔通佢父母離世之後我哋就唔可以結婚?大家覺得奇唔奇怪?聽落我都唔知點算, 我父母見唔到我結婚而離世我都冇怪過佢,當時父母離世嗰陣佢都同我拍緊拖 , 其實我父母都好想親眼見到我結婚,但因為當時環境 仲係好差 , 咁我都有反問我男朋友咁我父母離世嗰陣你又娶唔起我又點計先？但我男朋友話:「 唔同講法,始終你父母唔鍾意我哋一齊，但我父母親口講到明想我哋快啲簽紙。」
所以現在我都擔心佢會唔會咩都要父母為先,係唔係愚孝果類？請大家賜教，謝謝。
＃我的極品四大長老
Search